News

မတူပီမြို့နယ်ရှိ စာသင်ကျောင်းအချို့တွင် သင်ကြားမည့်ဆရာ မရှိသဖြင့်ပိတ်ထားရ

မတူပီမြို့နယ်ရှိ စာသင်ကျောင်းအချို့တွင် သင်ကြားမည့်ဆရာ မရှိသဖြင့်ပိတ်ထားရဟု ဆို

ချင်းပြည်နယ်၊ မတူပီမြို့နယ်တွင် ဆရာ၊ ဆရာမ ၃၀၀ ဦးနီးပါးလိုအပ်နေပြီး ကျေးရွာအချို့တွင် ဆရာ မရှိသည့်အတွက် ကျောင်းများပိတ်ထားရကြောင်းသိရသည်။

ဖွဲ့စည်းပုံအရမတူပီမြို့နယ်တွင် ၂၉၃ ဦးလစ်လပ်နေပြီးစာသင်ကြားရေးအတွက် ဆရာ၊ ဆရာမ ၂၇၀ ဦးကျော် လိုအပ်နေကြောင်း မတူပီမြို့နယ် ပြည်နယ်လွှတ်တော်ကိုယ်စားလှယ် ဦးအောင်လျန်းက ပြောခြင်းဖြစ်သည်။

“ တချို့ရွာတွေမှာလည်း ကျောင်းဆရာ၊ ဆရာမ မရှိဘူး။ အဲဒီလိုဖြစ်နေတယ်။ ကျွန်တော်တို့ချင်းပြည်မှာက ကျောင်းအဆင့်တိုးတွေကများနေတာ။ ကျောင်းဆရာ၊ဆရာမတွေက တော်တော်များများလိုအပ်တယ်။ နောက်တစ်ခုက ပြည်မကဆရာတွေကရာထူးတိုးနဲ့ ပြည်မပြန်သွားတော့ ဒီမှာက ကျောင်းဆရာ၊ ဆရာမ လိုအပ်ချက်တွေကများသွားတယ်။ တချို့ရွာတွေဆို ဆရာ၊ ဆရာမမရှိလို့ ကျောင်းကို ပိတ်ထားရတာတွေ ရှိတယ်” ဟု ၄င်းက ပြောသည်။

မတူပီမြို့နယ်တွင် တက္ကသိုလ်ဝင်တန်းအောင်ဒေသခံအများအပြားရှိနေပြီး ဘွဲ့ရအလုပ်လက်မဲ့များလည်းရှိနေသည့်အတွက် နေ့စားလပေးဆရာများအဖြစ်ခန့်အပ်ပါက ဆရာလိုအပ်ချက်ပြဿနာကိုဖြေရှင်းနိုင်မည် ဖြစ်ကြောင်း ၎င်းက ဆက်ပြောသည်။

မြန်မာနိုင်ငံတွင် ကျောင်းဆောင်ပေါင်း ၄၅၀၀၀ ၀န်းကျင်ခန့်လိုအပ်နေပြီး ယခု ၂၀၁၈-၂၀၁၉ ဘဏ္ဍာနှစ် ခွင့်ပြုဘဏ္ဍာငွေအရ ကျောင်းအဆောက်အဦးပေါင်း ၄၇၉၉ ခုကိုတည်ဆောက်ပေးနိုင်ခဲ့ကြောင်း သိရသည်

Credit

Leave a Reply

Your email address will not be published. Required fields are marked *